قال ابن صالح ،،

[ابن صالح]

السلام عليكم ورحمة الله وبركاته،،،

قال ابن صالح تبتهج روحي ويغمرها السعود
في منتدى شهران ونعم يــا الجبال المنــصباه
انا ولد زهــران مـنــباع المثايـــل والقصيـــــد
وشاعر بني شهر ما يقدر على شعارنـــا

مع التحية للجميع،،
شدوا حيلكم يا اهل الرد..

[أبو فهد]

وعليكم السلام ورحمة الله وبركاته :

حن يا بن صالــــح كل ابونا تحـــــت راية بن سعود
والله يحييكــــم تحيــــــة قلــــــب يحكـــــي من صباه
كم صدْت بين اهل اليمن والشام واهل الشرق صيد
حتى بلاد الـــــــغرب نرفــــــع عنـــــدهم شــــــعارنا

[عايض الشهري]

بيض الله وجهك يا ابو فهد ..

عساك عالقوة .. " جملتنا الله يجمل حالك " ..

ابن صالح .. تعيش يالغالي .. وان شاء الله نرى مشاركاتك باستمرار ..

ولا تبطي علينا ..

[بن سبوان الدرعاني]

لا هنتم




وابيض وجه يابوفهد


والله يحيك يابن صالح ومرحبا 1000000000000000000

[سطام السبيعي]

هبت من الغرب بريح هيل وريح عود
أرحب صبي زهران وابشر بكل الي تباه
ان بغيت الثقافة والتعلم والقصيد
نلقاها انا وانت عند معازيبنا

[ابن صالح]

البقاء يا مرحب ،، أشكر الجميع،،،،

يا بو فهد يـا محسن الأمداح لو جت في حدود
يوم أغلب العربان يتمدح ويـــا مقصر مداه
ما حد درى عنكم في أرض الصين وبلاد السويد
يكون فجّرتــم وصوبتم مــــع بن لادنـــــا

[أبو فهد]

ياخوي حن في مملكتنا ما تعدّينا الحدود
لكن قل لي فالمريض اللي علاجه عمّ داه
الوجه الابيض يا بن صالح ما يشابه للسويد
والله يعين اللي دنيٍّ عالمغابن لا دنا

[ابن صالح]

خلووووها

حنا كسبنا العز والأمداح من عهد الجدود
ونشبع الطاوي ونروي كل ظامي من ظماه
أبو هريرة والطفيل وغيرهم فيـنا عديد
أجدادنا صحب النبي يا من نشد عن جدنا

[عبيدالله العرابي]

أبو فهد

إبن صالح

ياسلام عليكم وعلى هذا البدع والرد الرائع

متابعين هذا الفن وهذا الكلام الطيب


واصلوا

الله يعطيكم العافيه

[أبو فهد]

ما تدري انا حن هل الرايات من فوق الجدود
اهل السيوف البارعه واهل البيوت المنظماه
المزح وقتـــــه راح والعــــدّاد يــــلقا له عديد
واليوم جــــاكم جدنا يا من نشـــد عن جــــدنا

[عبدالله الاحمري]

سلمت يابو فهد و أبو صالح و سلطان السبيعي ... وفقكم الله
تحياتي لكم ولا هنتم :) صراحة مبدعون ... :cool:

[محمد الشهراني]

كاتب الرسالة الأصلية : فارس العرب
سلمت يابو فهد و أبو صالح و سلطان السبيعي ... وفقكم الله
تحياتي لكم ولا هنتم :) صراحة مبدعون ... :cool:

[ابن صالح]

شكرا لجميع من شارك معنا هنا ،،


سيرة جحا يا بو فهد ياليتــهــا ما عد تعود

ما ودي آضـحّـك عليه الناس والعالم شهـود

إلا ترى كم جاء من أخباره و علمــه يا رواه

قالوا جحا مزحه كما جده ضعيّف وش وراه

ليش الجفا بعد المحبه يا الصديق ويا الحديد

وشفيك لك عامين لا ترسل ولا هــاتــفتــنــا

[أبو فهد]

من يسمعك قال اني آنا اللي صغيرٍ وانت عَود

وعندنا ما للردي وابن الردي واللاش هود

كم ظاميٍ مالقي في دار البخاله ما رواه

وراعي الشور الموفّق مانصدّ عن شوراه

ياخوي من وقّف لراسي يضربه سيفٍ حديد

والله ما اقلّ للسفيه ابو الفتن هات افتنا

[ابن صالح]

البدع:


السوق ما يتعامل إلا بالدارهم والنــقود
المشكلة لا تعجب الفقران دفعات القصود
يطيح بو قرشين بــيدين السماسر والغواه
مسكين هذا المضحكه ما يعرف أرضه من سماه
حنا بــنركْبه الجبــال ونــطرحه فوق الصــعيد
والشيخ من بعد الشياخه صار تحت أقــدامـنـا

[أبو فهد]

[هذا كلام ما يجمل مثلنا كلّه نقود
والله ذا يعلم بمضمون النوايا والقصود
والثلب ما بيشيل حمله بعد ما كثر ارغواه
وعقولنا نرفع بها عن بو عقولٍ منسماه
تراك عند الشيخ ضمن القهوجيّه و العبيد
والروس طاحت كلها من خلفنا واقدامنا]

[ابن صالح]

استلم البدع يا بوفهد:

لا تشعل النيران وتقرّب حطبها والوقــود
من يزرع الفتنه جنى شوك المصايب والعقود
غلطان من يضحك لشيطانه ومن طاوع هواه
يعيش متحسف وفي طـــول الـمـدى يا مندماه

بنقلب الصفحه ونبدأ في المحبه من جــديـــد
ما ودنا تزعل وتهــجر مضـجعك يا حـُـبــنــا

[أبو فهد]

ابشر بمن يطفي شعاع النار لو فيها وقود
وانا افتل الاشوار بين الناس واعقدها عقود

فرقٍ كبيرٍ بين محترف القصايد والهواه
والمعتدي لو يسفك الدمّين ما يامن دِماه


يامرحبا بالكفو واخواله وعمّه والجديد
سوق الردى والله ما نبغا يسعّر حبّنا