الفزعة ياعوال شهران - سؤال !

[شيوخ عتيبة]

انا من شيوخ عتيبة من آل رويس ! وتقدم لنا رجال شروا من يقرا . للنسابة يبي ياخذ اختي ويقول انه من شهران وبالتحديد من آل غندور

ابي اعرف هل فيه فخذ من شهراني يقال له آل غندور ؟ وماهي مكانته في القبيلة .. هل هو متصدر مشيخة في القبيلة ولا لا.

اتمنى ان تكون الاجابة أكيدة ... لان الموضوع مصيري ... انا من نجد ولا لي خبرة برجال الجنوب .


واشكركم ... ودمتم والله يرعاكم .

[ثامر بالعلا]

اخي الغالي

بالنسبة لسؤالئك فلا اعلم عنه شيئاً ..

(((اما بالنسبة لصياغتك للموضوع فيجب عليك انتقاء المفردة الجيدة الراقية التي تليق برجال هذا

المنتدى وترك الكلمات التي لا تغني ولا تسمن من جوع)))

اتمنى ان تكون وصلت الملاحظة

بالتوفيق

[شيوخ عتيبة]

صحيح .. رسالتك واضحة /

ممكن انا اخطيت بس من غير قصد .. هذا حن يالشيبان ما نعرف الا اللهجة البدوية الناشفة , على فكرة انا عمري 47 يعني من طور الشيبان ...

فكلمة الرعاع انا اقصد بها الرجال الذين ليس لهم صيت بالقبيلة ولا اقصد بها المعنى الحرفي .
انا بالنسبة للعوال / حن نطلقها على الرجال والشباب ,
اعذرني اذا خانني التعبير ..

لكم احترامي

[عبدالله سليم]

حياك الله

لم اسمع بهم من قبل واتمنى غيري يفيدك

ملاحظه..

ديار شهران كثير بيشة وتندحه وغيرها

نرجوا تحديد مرجع ديرته

[القظــام]

جاري البحث

وان شاء الله فيه خير وبركه

[عبدالله الشهراني]

اخي الكريم ماهكذا تورد الابل

اولا كلمة عوال تطلق على الاطفال وهناك مفردات تنوب عنها اذا بغيت تزهم احد

ثانيا اذا تقدم لاختك احد ليست المنتديات مجال للسؤال اذهب لعراف او اعيان القبيله واسال عنه


اخيرا الله يحييك بين اخوانك وشرفتنا

[ابن بريه الحسيني]

اعتقد ان الاسم اللي كتبته انت خطاء وهو مقارب لاسم رجل معروف او بمعنى اصح عائله معروفه

من اهل بيشه ذات اصل ومنهم مقاطع الحق

[ابو رغد السرحاني]

ياخي رح لديرة خاطب اختك واسأل مزبوط لذا الدرجه بتأخذ كلمه من اي واحد وتزوج اختك
عز قدر اهلك يالماخوذ

[شيوخ عتيبة]

يقول انه من خميس مشيط ... تكفون يالربع ... الموضوع مصيري والوالد متعصب مرة ... يعني ممكن اذا اكتشف شي مستقبلا انه يفكها منه ...

والموضوع معلق برقبتي ..

[التجافي]

وجهة نظر اذا قبلتها كان بها ما قبلت بها فكأنك ما سمعتها

سؤالك في منتدى عام لايليق بموضوع عائلي يعني الامور الخصوصيه والعائليه ليس من الصح الاستفسار وأخذ أي كلمه ملطوشه والعمل بها

على سبيل المثال

الرجال اللي تسأل عنه يمكن ان فيه احد حاقد عليه وهو كفؤ ثم يعطيك فكره سيئه عنه بتروح تعتمد على كتابة واحد ما يعرفه وتمنع نصيب بيصير

وعلى سبيل مثال أخر لو ان هذا الرجال فيه عيوب الدنيا وحصل سؤالك واحد صديق له او يمون عليه وانت فاهم مغزاي و قالك هذا الرجال كفو وأعرفه وهو ما يسوى بتروح ترمي نصيب اهلك في نحر واحد ما يستاهل انا اقول هذا الكلام رد على اسلوبك والرجال اللي تسأل عنه انا ما أعرفه لاكن له فخذ المفروض اذاك تبي العلم اللي يجمد على الشارب ومعروف كل فخذ لها نايب يعرفهم واحد واحد وان شاء الله ان هذا الامر خير اوصيك بأنك تترك مجال السؤال في المنتديات بصفه عامه وحزم ألأمر على أساس واضح وصريح بعيدآ عن يمكن ولعل وهاه ومن هذا الكلام


امنياتي لك بالتوفيق وكل عام وانت بخير والله يحفظك وييسر امرك

[شيوخ عتيبة]

وش بكم كلتوني يالربع ...

انا ما انشد عن الرجال ... انا ابخصه من ناحية الدين والاخلاق والمرجلة ... بس سؤالي عن الفخذ هل هو يرجع شهراني ولا لا ؟

وانا ياواحد مااعترف بهالخرابيط ... بس الوالد الله يهديه معلق الموضوع برقبتي (( تأكد انه شهراني وان فيه فخذ يقال لهم آل غندور ...)) وان عرف بعدين ان الموضوع فيه شكة فك البنت منه .. وانا مابي نوصل لهالنقطة ..

وكثر الله خيركم ... وبيض الله وجيهكم ...

[محمد ابراهيم مقحص]

شيوخ عتيبه

اولا مرحبا الف وحياك ربي يالغالي

ومن ناحية الرجال يرجع شهراني ولا لا

انا لا افيدك وفيه رجال اطيب مني واعرف مني

وانشاء الله يفيدونك يالغالي

وتقبل تحياتي

[عبدالله ال دحوان]

ارررحب يالعتيبي مرحبا ومسهلا

اسئل الرجال من اي قبيله من شهران ثم نوضح لك وسوف نسأل ونساعدك ان شاءالله

مافيه قبيله اسمها ال غندور لاكن ربما تكون هتاك عائله ترجع الى احد قبائل شهران وهي كثيره

صعبه نحصرها .

اسئل شيوخ ومقاطع حق في قبيله شهران ان شاءالله يفيدونك

بالتوفيق

[تــركــي]

شي غريب من جد :(

اتمنى اخواني افادوكـ

[شيوخ عتيبة]

وش الغرابة فديتك ...

حسستوني اني غلطان يوم أدخل عليكم ...
انا محتاج يوم ازبنكم ... ماني جاي انشر غسيل ولا اسبب بلبلة .
كل الناس فيهم خير وبركة .. وانا والله مالي بهالخرابيط كلها ولو اني مهتم بها كان عرفت فخوذ القبايل ..
واتحرج اني اسأل أحد وجه لوجه لاني احسها نقص ...
العالم وصلت للقمر وحن وش ترجع ووش قبيلتك ...
لافرق بين عربي ولا اعجمي الا بالتقوى ...

لكن انا عندي الوالد عسر الله يهديه ..

ودمتم ,

[محمد بن دلهوم الكودي]

اولا اررررررررحب ترحيبة شهران يالعتيبي
ثانيا إذا جد شي في موضوعك راح تشوف الرد
ثالثا واخيرا اكرر الترحيب واقول ارحب ارحب

[دحمي شهران]

أرحب يالعتيبي

وإنشاءالله يفيدونك النشاما

ودمت بــــود

[ناب شهران]

ارحب يارجال ابشر ياالعتيبي برجال والمال يوم تقول زابنكم وا الرجال الي تنشد عنه غير معرووف عندي ال غندور اول مره اسمع به وممكن يكون مقطاع حق بس مسبق وعرفته وبنشد عنه

انشاء الله

[عبدالله سليم]

اررحب يالعتيبي

شرفت منتدانا \

استآآآذي انا حاولت ابحث لك ولكن العذر والسموحه .. ..

واتمنى ان تجد من يفيدك صدقني ستجد ...

احترامي

[ابن شطوان العجيري]

اللي اعرفه ان ال غندور من سكان خميس مشيط واذا تبي تنشد عن الرجال فانشد آل رشيد لأنهم مجاورين لهم

[شيوخ عتيبة]

لا خلا ولا عدم ...

بيض الله وجيه الجميع .. ماقصرتوا

ابن شطوان لاهنت ممكن توضح اكثر ( يعني فيه عائلة يطلق عليها آل غندور موجودة بالفعل تابعة لشهران ) ولا هي عائلة أخاوتها عند شهران يعني مهوب شهارين أصل !!

وكيف آصل لـ آل رشيد هذولا ...

[ابن شطوان العجيري]

شيوخ عتيبة

آل رشيد قبيلة من قبائل شهران وهم في خميس مشيط وبالتحديد في عتود روح واستفسر انا ما اعرف ال غندور اللهم اني سمعت انهم ساكنين في خميس مشيط

[ناصر ال مقحص]

ابن شطوان لا يكون قصدك
آل غنوم ؟؟

[ابن شطوان العجيري]

ابن شطوان لا يكون قصدك
آل غنوم ؟؟

لا يا ذيبااااان

[ابراهيم مرزوق]

يا عتيبي هذا رقم جوال واتصلبي وانا بدلك وين تروح واللخه حية تحي المطر (تم حذف الرقم من قبل التجافي )ولافي قصور بنشاما الي قبلي بس حبيت انشد الرجال اكثر

[رجا الشهراني]

شيوخ عتيبه
الربع كلهم ماقصروا وان شاء الله تلقى الي تدور عنه وابومرزوق اتوقع انه وفى وكفى

[عبدالرحمن حموض]

حيى الله العتيبي

فيه اسرة يقال لهم آل غندور من سكان الرونة وشيخهم بن مبارك وهم من شهران

وسلامتكم

[سعد النمر]

اخي الكريم
اولا / اشكر جميعالاعضاء المشاركون معك
ثانيا / ممكن تسال بطريقة من يعرف هذا الفخذ
من غير ذكر السبب حتي تتمنكن من السوال
عنة بعدما يتظح عنوانة ومدينتة
اتمنا ان كان سوالك لهذا الغرض ان يوفقك اللة
وان كان غير ذلك فاتق اللة
وشهران في جميع انحاء العالم اللة يديمهم
وممكن سوال اي شخص فيهم الخير والبركة
واللة الموفق

[عياش العبيدي]

وجهة نظر اذا قبلتها كان بها ما قبلت بها فكأنك ما سمعتها

سؤالك في منتدى عام لايليق بموضوع عائلي يعني الامور الخصوصيه والعائليه ليس من الصح الاستفسار وأخذ أي كلمه ملطوشه والعمل بها

على سبيل المثال

الرجال اللي تسأل عنه يمكن ان فيه احد حاقد عليه وهو كفؤ ثم يعطيك فكره سيئه عنه بتروح تعتمد على كتابة واحد ما يعرفه وتمنع نصيب بيصير

وعلى سبيل مثال أخر لو ان هذا الرجال فيه عيوب الدنيا وحصل سؤالك واحد صديق له او يمون عليه وانت فاهم مغزاي و قالك هذا الرجال كفو وأعرفه وهو ما يسوى بتروح ترمي نصيب اهلك في نحر واحد ما يستاهل انا اقول هذا الكلام رد على اسلوبك والرجال اللي تسأل عنه انا ما أعرفه لاكن له فخذ المفروض اذاك تبي العلم اللي يجمد على الشارب ومعروف كل فخذ لها نايب يعرفهم واحد واحد وان شاء الله ان هذا الامر خير اوصيك بأنك تترك مجال السؤال في المنتديات بصفه عامه وحزم ألأمر على أساس واضح وصريح بعيدآ عن يمكن ولعل وهاه ومن هذا الكلام


امنياتي لك بالتوفيق وكل عام وانت بخير والله يحفظك وييسر امرك
اشكرك عزالله نك صادق

[بو غريب الشهراني]

حيى الله العتيبي

فيه اسرة يقال لهم آل غندور من سكان الرونة وشيخهم بن مبارك وهم من شهران

وسلامتكم

؟؟؟


عبدالرحمن


الله يعطيكـ العافية



مافيه أسرة يقال لهم آل غندور من جماعة بن مبارك

يمكن تقصد آل غندف

أما آل غندور فلا أعتقد يالغالي ، تأكّد وووافنا يالغالي


تحيااااااااااااتي للجميع

[سالم المزراقي]

يالعتيبي

اذا انت عتيبي

فأرحب ثم ارحب .. ترحيبة شهران


الأوله: ان انت تسئل وانت صادق فما كانت طريقة سؤالك صحيحة ولا سليمة. لأن ألي ينشد عن (النسب) لازم يتعب وياصل ويتأكد.
- - - (وان شاء الله ان هذا الصحيح والغرض هو النسب)


والثانية: ان اكان لك مآرب اخرى فلسؤالك رد آخر.
- - - (وان شاء الله اني مخطي)



اكرر ترحيبي بعتيبة عامة ، نعم الجيرة ونعم النسابة، ومواقف الرجال أللي بينا وبينهم دوم ترفع الراس






الناهسي،

[السرحاني الطائي]

اخوي ليس من الائق الاستفسار بأمور عائليه بهذي الطريقه

هناك طرق افضل من هذي الطريقه

[الطحطوح]

فيه حاجه اسمها ارسال رساله خاصه والي تنشد عنهم ال غندف وهم ونعم ومن عرب معروفه

ولاجوك فحب ايدك

[سعيد المغيدي]

ارحب يالعتيبي تراحيب المطر

وبالنسبه للسؤالك انا ما قد سمعت به من قبل

ملاحظه((لو كان سؤالك بطريقه ثانيه بدون ان توضح ان في المساله زواج كان ممكن تحصل جواب

للسؤالك لان الجميع ما يبغى يحمل ذمته شي))

ومره ثانيه ياهلا وغلا فيك

[عتيبي مطنوخ]

انا والله مدري عنه بس الرسول صلي الله عليه وسلم قال في معنىآ الحديث يعني من تراضنو يعني اذا كان يصلي فا زوجوه


يعني الرجال اذا كان راعي دين اهم شي يكون يخاف الله



تقبل مروري