غازي بن عون
17-06-2003, 03:00 AM
مرثية في المغفور له بإذن الله ... محمد بن نياف بن عون الذي وافته المنيه مساء يوم الأحد الموافق 8/4/1424 ه
يا مل عين ٍ كدّر البين بالها=الها ثلاث شهور ينشي خيالها
تلج بحصون الضماير رعودها=وبروقها بين الحنايا اشتعالها
انهل مغرب ليل الاثنين وبلها =حتى جرت وديانها من زلالها
ولا كف من خطبٍ دهاها غشينها= ولاصحى سماها لين جابت حثالها
والعين لوتسقى الثرى من دموعها=ولو كان تبكي ايامها مع ليالها
ما احدٍ على هل العباير يلومها=يوم انها تنعى عزيز ٍ غدى لها
تبكي على مضنونها مثل غيرها=صروف الدهر ماهي عليها لحالها
هذي سوات الله بخلقه وسنته=قدامها جرى لهم ما جرى لها
تبكي على رمز الشيم منبع الكرم=شهم ٍ يروم من المراجل جزالها
المرجله عذرا ً على نايف الحجا=تسبى عقول الطيبين بجمالها
واللاش ولد اللاش ما يشتقي بها=ما يشتقي في حبها الا رجالها
والا الردي ترى الرخامه عشيقته=عليه تضفي شيلةٍ من شيالها
لا عجز يصعد للعلا ينحنج لها=مثل انحناج ام الغزال لغزالها
كوخ الرخامه في اسفل الدرك مرتخي=ومن عجز يرقىا لنايفات ارتخى لها
ومن شام يم المرجله واشتقى بها=يحفي سبوته في مراقي جبالها
امثال ابو سطام رهين حبها=اللي بعسرات المراقي رقى لها
احبها من صغر سنه وحبته =ياما استمالت رغبته واستمالها
طاعة كريم الوجه غاية مقاصده=من صغرته متمسكا ً في حبالها
ونفسه عن افعال الدنايا يعزها=نفس ٍ شريف فعولها راس مالها
ويمنا ً قصد مرضاة ربه بمدها=اللي تمده ما درت به شمالها
ويمنا ً كماالهمال للضيف كفها=ترخص ليال العسر غالي حلالها
له ربعةٍ للضيف دايم مشيده=ونارٍ من الصالي يقرب دلالها
وحيلٍ على المنسف ينسف عصوبها=والا هرافا ً من خزايز اطفالها
الله من دنيا ً اليا زان وجهها=لابد ما تلقح لو اطول حيالها
الناس ما يستبشرون بلقاحها=وتشيّب الاطفال لاضنت عيالها
دنيا ً يحل العبد فيها ويرتحل =لا وصل يومه نوخت لـه رحالها
اللوح فيه الخلق والموت والبعث=كتبت به ارزاق البرايا واجالها
نفهم ردى الدنيا وندري بقصرها=مير البشر يغرها طول امالها
اليا صار ندري ان المخاليق فانيه=والناس والدنيا قريب ٍ زوالها
ياجب علينا اليوم نصبر ونحتسب=لحمولها ما يبرك الا جمالها
صبر على البلوى والايمان بالقضاء=لو كبرت البلوى يخفف اثقالها
وندعو لابو سطام بالعفو والرضى=في جنةٍ عليه دان ٍ ظلالها
ويعوّضه باهلٍ يعوضون بالاهل=وبالدار دارٍ خيرٍ منها بدالها
وسطام واخوانه عوضنا وذخرنا=واسود الشرى ما تخّر الا شبالها
شبول ٍ شهدنا فعلها قبل حلها=الكل منهم راية الجود شالها
وصلوا على اللي جا من الله بالهدى=عداد ما تذري ذواري رمالها
يا مل عين ٍ كدّر البين بالها=الها ثلاث شهور ينشي خيالها
تلج بحصون الضماير رعودها=وبروقها بين الحنايا اشتعالها
انهل مغرب ليل الاثنين وبلها =حتى جرت وديانها من زلالها
ولا كف من خطبٍ دهاها غشينها= ولاصحى سماها لين جابت حثالها
والعين لوتسقى الثرى من دموعها=ولو كان تبكي ايامها مع ليالها
ما احدٍ على هل العباير يلومها=يوم انها تنعى عزيز ٍ غدى لها
تبكي على مضنونها مثل غيرها=صروف الدهر ماهي عليها لحالها
هذي سوات الله بخلقه وسنته=قدامها جرى لهم ما جرى لها
تبكي على رمز الشيم منبع الكرم=شهم ٍ يروم من المراجل جزالها
المرجله عذرا ً على نايف الحجا=تسبى عقول الطيبين بجمالها
واللاش ولد اللاش ما يشتقي بها=ما يشتقي في حبها الا رجالها
والا الردي ترى الرخامه عشيقته=عليه تضفي شيلةٍ من شيالها
لا عجز يصعد للعلا ينحنج لها=مثل انحناج ام الغزال لغزالها
كوخ الرخامه في اسفل الدرك مرتخي=ومن عجز يرقىا لنايفات ارتخى لها
ومن شام يم المرجله واشتقى بها=يحفي سبوته في مراقي جبالها
امثال ابو سطام رهين حبها=اللي بعسرات المراقي رقى لها
احبها من صغر سنه وحبته =ياما استمالت رغبته واستمالها
طاعة كريم الوجه غاية مقاصده=من صغرته متمسكا ً في حبالها
ونفسه عن افعال الدنايا يعزها=نفس ٍ شريف فعولها راس مالها
ويمنا ً قصد مرضاة ربه بمدها=اللي تمده ما درت به شمالها
ويمنا ً كماالهمال للضيف كفها=ترخص ليال العسر غالي حلالها
له ربعةٍ للضيف دايم مشيده=ونارٍ من الصالي يقرب دلالها
وحيلٍ على المنسف ينسف عصوبها=والا هرافا ً من خزايز اطفالها
الله من دنيا ً اليا زان وجهها=لابد ما تلقح لو اطول حيالها
الناس ما يستبشرون بلقاحها=وتشيّب الاطفال لاضنت عيالها
دنيا ً يحل العبد فيها ويرتحل =لا وصل يومه نوخت لـه رحالها
اللوح فيه الخلق والموت والبعث=كتبت به ارزاق البرايا واجالها
نفهم ردى الدنيا وندري بقصرها=مير البشر يغرها طول امالها
اليا صار ندري ان المخاليق فانيه=والناس والدنيا قريب ٍ زوالها
ياجب علينا اليوم نصبر ونحتسب=لحمولها ما يبرك الا جمالها
صبر على البلوى والايمان بالقضاء=لو كبرت البلوى يخفف اثقالها
وندعو لابو سطام بالعفو والرضى=في جنةٍ عليه دان ٍ ظلالها
ويعوّضه باهلٍ يعوضون بالاهل=وبالدار دارٍ خيرٍ منها بدالها
وسطام واخوانه عوضنا وذخرنا=واسود الشرى ما تخّر الا شبالها
شبول ٍ شهدنا فعلها قبل حلها=الكل منهم راية الجود شالها
وصلوا على اللي جا من الله بالهدى=عداد ما تذري ذواري رمالها